5G மொபைல் தயாரிக்க சாம்சங் – குவால்காம் கூட்டணி | Maduraimani
Friday, May 25
Maduraimani | Tamil Online News Website | Tamil Nadu Newspaper Online |Daily Online Newspaper

5G மொபைல் தயாரிக்க சாம்சங் – குவால்காம் கூட்டணி

சாம்சங் மற்றும் குவால்காம் ஆகிய நிறுவனங்கள் 5G தொழில்நுட்பத்தில் ஸ்மார்ட்போன்களைத் தயாரிக்கும் திட்டத்துடன் இணைந்து செயல்பட உள்ளதாக தகவல் வெளியாகியுள்ளது.

சாம்சங் நிறுவனம் தற்போது தனது 5G ஸ்மார்ட்போன் தயாரிப்பில் கவனம் செலுத்தி வருகிறது. 4G தொடர்புகள் தற்போது பரவலாகிவிட்ட நிலையில் அடுத்த கட்டத்திற்கு நகர்வதற்கு பல நிறுவனங்களும் முயற்சி மேற்கொண்டு வருகின்றன.

இந்த வகையில் சாம்சங் பிரபல பிராசசர் தயாரிப்பு நிறுவனமான குவால்காம் உடன் இணைய உள்ளது. 7 நானோமீட்டர் (7nm) அளவிற்கு நுண்ணிய பிராசசரைத் தயாரிக்க முடிவுசெய்துள்ளன. ஏற்கெனவே, இந்த நிறுவனங்கள் 10nm மற்றும் 14nm பிராசசர்களை கூட்டாக உருவாக்கின.

சாம்சங் நிறுவனத்தின் முதல் 5G ஸ்மார்ட்போன் வரும் 2019ஆம் ஆண்டு அறிமுகம் செய்யப்பட வேண்டும் என்ற இலக்குடன் பணிகள் தொடங்கப்பட்டுள்ளதாகத் தெரிகிறது.

முன்னதாக, ஆப்பிள் நிறுவனம் இன்டெல் நிறுவனத்துடன் 5G ஐபோனுக்காக இணைந்துள்ளதும் குறிப்பிடத்தக்கது. இது குறித்த தகவல் கடந்த ஜனவரி மாதம் வெளியானது.

 

Leave a Reply

Your email address will not be published. Required fields are marked *