விஜய்க்கு அழுத்தம் கொடுக்கிறது பிஜேபி… தவெக நிர்வாகியின் பரபரப்பு குற்றச்சாட்டு

பாஜக அரசு விஜய்க்கு அழுத்தம் கொடுப்பதாக தவெக நிர்வாகி அருண்ராஜ் குற்றம் சாட்டி உள்ளார்.

தமிழ்நாடு, புதுச்சேரி, கேரளா, மேற்கு வங்கம், அசாம் போன்ற மாநிலங்களில் விரைவில் சட்டமன்றத் தேர்தல்கள் நடைபெற உள்ளன. தொகுதி பங்கீடு, தேர்தல் வாக்குறுதிகள், பிரச்சாரத் திட்டங்கள் உள்ளிட்ட காரணங்களால் அரசியல் சூழல் தீவிரமடைந்துள்ளது.

இந்தச் சூழலில், தவெக மற்றும் விஜய்க்கு பாஜக பல்வேறு வழிகளில் அழுத்தம் கொடுத்து வருவதாகவும், அந்த நெருக்கடிகளை மீறி பாஜகக்கு எதிராக நாங்கள் செயல்பட்டு வருகிறோம் என்றும் தவெக நிர்வாகி அருண்ராஜ் குற்றம்சாட்டியுள்ளார். அவரது இந்தக் கருத்து அரசியல் வட்டாரங்களில் கவனம் ஈர்த்துள்ளது.

தமிழ்நாடு முழுவதும் தவெகவுக்கு தான் ஆதரவு

மதுரையில் ஊடகங்களை சந்தித்த தவெக பொதுச்செயலாளர் அருண்ராஜ், “தமிழ்நாடு முழுவதும் தவெகவுக்கு ஆதரவு அதிகரித்து வருகிறது. ஆட்சி அதிகாரத்தில் பங்கெடுப்பது எங்கள் அடிப்படை கொள்கைகளில் ஒன்று. அதனை முதல் மாநாட்டிலேயே தெளிவாக அறிவித்தோம். அது பிறகட்சிகளை ஈர்ப்பதற்காக அல்ல” என்று தெரிவித்தார்.

நாம் தமிழர் vs தமிழக வெற்றிக் கழகம் _ seeman vs vijay

திமுக மீது குற்றச்சாட்டு

அவர் மேலும் கூறுகையில், “சமூக நீதி சார்ந்த அரசியல் நிலைப்பாட்டை தெளிவாக முன்வைத்தது நாங்கள்தான். கூட்டணி தொடர்பான இறுதி முடிவை எங்கள் தலைவர் எடுப்பார். திமுக தற்போது மோசமான ஆட்சியை வழங்கி வருகிறது. குடும்ப ஆட்சியால் பலருக்கு வாய்ப்புகள் மறுக்கப்படுகின்றன. ஊழல் அதிகரித்துள்ளது. சட்டம்-ஒழுங்கு நிலைமை பாதிக்கப்பட்டுள்ளது. இதனால் மக்கள் ஆட்சியின்மீது அதிருப்தியில் உள்ளனர்” என்றார்.மத்திய பாஜக அரசு, CBI உள்ளிட்ட அமைப்புகள் மூலம் தற்போது அழுத்தம் தரத் தொடங்கியுள்ளது என்று தமிழக வெற்றிக் கழகத்தின் முக்கிய நிர்வாகி அருண்ராஜ் தெரிவித்துள்ளார்.

  

Pova Curve 2: Built for Motion. Built for Power. Sale is Live.TECNO Mobileபாஜக கொள்கைகளுக்கு எதிரியாக தன்னை துணிச்சலாக அறிவித்தவர் விஜய் என்றும், ‘ஜனநாயகன்’ தொடர்பான பிரச்சனை அனைவருக்கும் தெரிந்த ஒன்றாகும் என்றும் கூறப்பட்டுள்ளது.
மேலும், “பாஜகவைக் குறித்து விஜய் பேசவில்லை” என்ற கருத்தை ஏற்கவே முடியாது என அருண்ராஜ் தெரிவித்து உள்ளார்.

திமுக-தேமுதிக கூட்டணி

திமுக-தேமுதிக கூட்டணியை விமர்சித்த அவர், “தோல்வியை சந்திக்க இருக்கும் கட்சியுடன் இணைந்து தோல்வியைத் தேர்வு செய்துள்ளனர். தவெக சார்பில் விசிக உள்ளிட்ட எந்தக் கட்சிக்கும் அதிகாரபூர்வ அழைப்பு விடுக்கப்படவில்லை. தமிழ்நாட்டில் பெரும்பாலான மக்கள் மாற்றத்தை விரும்புகின்றனர். முன்பு இளைஞர்கள் அரசியலை தூரத்தில் இருந்து கவனித்தனர்; தற்போது அவர்கள் நம்பிக்கையை தவெக பெற்றுள்ளது” என்று கூறினார்.

மேலும், “திமுக கூட்டணி பேச்சுவார்த்தை பிப்ரவரி 22-ஆம் தேதி தொடங்கும் என்று கூறப்பட்ட நிலையில், திடீரென தேமுதிக இணைந்தது எப்படி? இது திமுகவின் பயத்தையே காட்டுகிறது. தவெகவிற்கு அதிகரித்து வரும் ஆதரவை சமாளிக்க முடியாமல் தேமுதிகவை கூட்டணியில்இணைத்துள்ளனர்” என்றும் குற்றஞ்சாட்டினார்.

விஜய் தலையில் களமிறங்கும் தவெக

நடிகர் விஜய் தலைமையில் 2026 சட்டமன்ற தேர்தலை தவெக எதிர்கொள்கிறது. இதற்காக தவெக சார்பில் பொதுக்கூட்டங்கள் மற்றும் தவெக கழக நிர்வாகிகள் சந்திப்பு மாநாடுகள் நடைபெற்று வருகிறது. தவெக வேட்பாளர்களுக்கான விருப்ப மனுக்கள் வழங்கப்பட்டு வழங்கப்பட்டு வருகின்றன.