கொரட்டலா சிவா இயக்கத்தில் ஜூனியர் என்.டி.ஆர், ஜான்வி கபூர், சைஃப் அலி கான், பிரகாஷ்ராஜ் உள்ளிட்ட பலர் நடிப்பில் வெளியான திரைப்படம் ‘தேவரா’.
தெலுங்கில் உருவான இப்படம், தமிழ், இந்தி உள்பட 5 மொழிகளில் வெளியானது. படப்பிடிப்பு பாதி முடிந்த நிலையில், இரண்டு பாகமாக இப்படம் வெளியாகும் என்று இயக்குநர் கொரட்டலா சிவா அறிவித்திருந்தார்.
பெரும் எதிர்பார்ப்புக்கு இடையே கடந்த 2024-ம் ஆண்டு செப்டம்பரில் வெளியான இப்படம் கலவையான விமர்சனங்களை எதிர்கொண்டது. இருந்தாலும் ரூ.428 கோடி வசூலித்தது. இந்நிலையில் இப்படம் விமர்சன ரீதியாக வரவேற்பைப் பெறாததால் இதன் 2-ம் பாகம் கைவிடப்பட்டதாகச் செய்திகள் வெளியாயின.
இந்நிலையில் நிகழ்ச்சி ஒன்றில் கலந்து கொண்ட இப்படத்தின் தயாரிப்பாளர் சுதாகர் மிக்கிலினேனியிடம் இதுபற்றி கேட்டபோது, “தேவரா 2 படம் நிறுத்தப்படவில்லை. மே மாதம் படப்பிடிப்பு தொடங்க இருக்கிறது. 2027-ம் ஆண்டு படம் வெளியாகும். கண்டிப்பாக சூப்பர் ஹிட்டாகும்” என்றார். நடிகர் ஜூனியர் என்.டி.ஆர். இப்போது பிரசாந்த் நீல் இயக்கும் ‘டிராகன்’ படத்தில் நடித்து வருகிறார்.
More Stories
ஓடிடி-யில் நேரடியாக வெளியான ‘நீலகண்டா’
தமிழில் திரையிடப்படும் சத்தா பச்சா!
டிடிஎஃப் வாசனின் ஐபிஎல் படத்தின் ஓடிடி வெளியீட்டுத் தேதி!