INDIA

புதுடெல்லி: இந்தியாவில் மொத்த விலை பணவீக்கம் 11.39 சதவீதமாகவும், சில்லறை பணவீக்கம் 5.54 சதவீதமாகவும் உள்ளதாகத் தகவல் வெளியாகியுள்ளது. இரண்டிற்கும் இடையிலான சுமார் 6 சதவீதப் புள்ளி வித்தியாசம், எதிர்கால விலைவாசி உயர்வு குறித்த கவலையை ஏற்படுத்தியுள்ளது. எரிபொருள், மின்சார விலைகள் 25.85 சதவீதமும், உற்பத்திப் பொருட்களின் மொத்த விலை 9.76 சதவீதமும் உயர்ந்துள்ளதாகக் கூறப்படுகிறது. எண்ணெய் நிறுவனங்கள் நாளொன்றுக்கு ரூ.530 கோடி இழப்பைச் சந்திப்பதாக ICRA தரவுகளை மேற்கோள்காட்டி தெரிவிக்கப்பட்டுள்ளது. கிராமப்புற பணவீக்கம் 6.08 சதவீதமாகவும், நகர்ப்புற பணவீக்கம் 4.88 சதவீதமாகவும் குறிப்பிடப்பட்டுள்ளது. ரசாயனம், பிளாஸ்டிக், ரப்பர், உலோகம், ஜவுளி உள்ளிட்ட துறைகளில் உற்பத்திச் செலவு அதிகரித்துள்ளதால், அடுத்த இரண்டு காலாண்டுகளில் பொருட்களின் விலைகள் மேலும் உயரக்கூடும் என அஞ்சப்படுகிறது. கச்சா எண்ணெய் விலை குறைந்தால் பணவீக்கம் கட்டுப்பட வாய்ப்புள்ளது. இருப்பினும், நிறுவனங்களின் செலவுச் சுமை பொதுமக்களிடம் மாற்றப்படும் அபாயம் இருப்பதாகப் பொருளாதார நிபுணர்கள் எச்சரிக்கின்றனர்.

தேசத்தைக் காக்க முன்வரும் இளைஞர்களின் எதிர்காலத்தையும் பாதுகாப்பது அரசின் தலையாய கடமை! இந்தியாவின் பாதுகாப்புத் துறையில் இளைஞர்களுக்கான வாய்ப்புகளை உருவாக்கும் நோக்கில் அறிமுகப்படுத்தப்பட்ட அக்னிபத் திட்டம், தொடக்கத்திலிருந்தே பாராட்டுகளையும் விமர்சனங்களையும் எதிர்கொண்டுள்ளது. நான்கு ஆண்டுகள் மட்டுமே பணியாற்றும் அக்னிவீரர்களின் எதிர்காலம் என்ன என்ற கேள்வி இன்றளவும் முக்கியமான விவாதமாகத் தொடர்கிறது. இந்நிலையில், அக்னிவீரர்களின் பணிக்காலத்தை நீட்டிப்பது தொடர்பான கொள்கை மாற்றம் வரவேற்கத்தக்க முன்னெடுப்பாக அமையக்கூடும். ஆனால், பணிக்கால நீட்டிப்பு குறித்த அறிவிப்பு மட்டுமே இளைஞர்களின் அச்சத்தையும் அதிருப்தியையும் முழுமையாகப் போக்கிவிடாது. ராணுவச் சீர்திருத்தம் என்பது வெறும் நிர்வாக மாற்றமல்ல; நாட்டிற்காகத் தங்களை அர்ப்பணிக்கும் இளைஞர்களின் வாழ்க்கையுடன் தொடர்புடைய பொறுப்புமிக்க முடிவாகும். தேர்வில் வெளிப்படைத்தன்மை அவசியம்! அக்னிவீரர்களில் எத்தனை பேர் நிரந்தரப் பணிக்குத் தேர்வு செய்யப்படுகின்றனர்? அதற்கான தகுதிகள் என்ன? பணித்திறன், ஒழுக்கம், உடற்தகுதி ஆகியவை எவ்வாறு மதிப்பிடப்படுகின்றன? தேர்வு செய்யப்படாதவர்களுக்கு என்ன மாற்று வாய்ப்புகள் வழங்கப்படுகின்றன? இந்தக் கேள்விகளுக்கு அரசு தெளிவான பதில்களை வழங்க வேண்டும். தற்போதைய திட்ட அமைப்பில், ஒவ்வொரு பிரிவிலும் அதிகபட்சம் 25 சதவீதம் பேர் நிரந்தரப் பணிக்குப் பரிசீலிக்கப்படலாம் என்ற நடைமுறை உள்ளது. பணிக்கால நீட்டிப்புடன் இந்த விகிதத்திலும் மாற்றம் கொண்டுவரப்படுமா என்பதையும் தெளிவுபடுத்துவது அவசியம். நான்கு ஆண்டுகளுக்குப் பிறகு என்ன? இளம் வயதில் ராணுவத்தில் சேரும் ஒருவர், சேவைக்காலம் முடிந்ததும் மீண்டும் வேலைவாய்ப்பைத் தேடும் நிலைக்குத் தள்ளப்படக்கூடாது. மத்திய ஆயுதக் காவல் படைகள், மாநிலக் காவல்துறை, பொதுத்துறை நிறுவனங்கள் மற்றும் தனியார் நிறுவனங்களில் முன்னாள் அக்னிவீரர்களுக்கான வேலைவாய்ப்புகளை நடைமுறையில் உறுதிப்படுத்த வேண்டும். உயர்கல்வி, தொழிற்பயிற்சி, திறன் மேம்பாடு ஆகியவற்றுக்கும் உரிய முக்கியத்துவம் அளிக்கப்பட வேண்டும். அரசின் கடமை என்ன? அக்னிவீரர் திட்டத்தின் செயல்பாடுகள் குறித்த ஆண்டறிக்கையை வெளியிட்டு, நிரந்தரப் பணியில் சேர்க்கப்பட்டோர் எண்ணிக்கை, சேவையிலிருந்து வெளியேறியவர்களின் மறுவேலைவாய்ப்பு நிலை, வழங்கப்பட்ட பயிற்சிகள் உள்ளிட்ட விவரங்களை அரசு வெளிப்படையாக அறிவிக்க வேண்டும். தேசியப் பாதுகாப்பிற்குத் தேவையான ராணுவத் திறனையும், இளைஞர்களின் நியாயமான எதிர்பார்ப்புகளையும் சமநிலைப்படுத்துவதே சிறந்த கொள்கையின் அடையாளமாகும்....

புதுடெல்லி: புதிய வாக்காளர்கள் மற்றும் எஸ்ஐஆர் பணியில் விடுபட்டவர்களைச் சேர்க்கும் வகையில், தமிழ்நாடு உள்ளிட்ட 17 மாநிலங்கள் மற்றும் யூனியன் பிரதேசங்களில் வாக்காளர் பட்டியல் சிறப்பு சுருக்கத் திருத்தப் பணி (SSR) மேற்கொள்ளப்படும் என அக்டோபர் 15-ல் தேர்தல் ஆணையம் அறிவித்தது. இரண்டாம் கட்டமாக அருணாச்சல பிரதேசம், மிசோரம், ஒடிசா, சிக்கிம் ஆகிய 4 மாநிலங்களிலும், சண்டிகர், தாத்ரா நகர் ஹவேலி மற்றும் டாமன்–டையூ ஆகிய 2 யூனியன் பிரதேசங்களிலும் இப்பணி நடைபெறுகிறது. நவம்பர் 20-ல் திருத்தப் பணிகள் நிறைவு; நவம்பர் 30-ல் வரைவு பட்டியல் வெளியீடு; டிசம்பர் 30 வரை ஆட்சேபனைகள் தெரிவிக்கலாம். இறுதி வாக்காளர் பட்டியல் 2027 ஜனவரி 21-ல் வெளியிடத் திட்டமிடப்பட்டுள்ளது. பணிகளை உரிய முறையில் முடிக்க மாநிலத் தலைமைச் செயலாளர்களுக்கு அறிவுறுத்தப்பட்டுள்ளது.

“நாட்டைப் பற்றிக் கவலையில்லை!” – மோடியிடம் சரத் பவார் நெகிழ்ச்சி!இருமல், நெஞ்சுவலி காரணமாக புனே தனியார் மருத்துவமனையில் அனுமதிக்கப்பட்ட தேசியவாத காங்கிரஸ் தலைவர் சரத் பவார் (85), நவம்பர் 4ஆம் தேதி குணமடைந்து வீடு திரும்பினார். அவரை தொலைபேசியில் தொடர்புகொண்ட பிரதமர் மோடி, உடல்நலம் விசாரித்து ஓய்வெடுக்க அறிவுறுத்தினார். அதற்கு, “நான் ஓய்வில் இருக்கிறேன்; நீங்கள் அனைவரும் இருப்பதால் நாட்டைப் பற்றி கவலையில்லை. உங்கள் நல்ல பணிகளைத் தொடருங்கள்” என சரத் பவார் நன்றி தெரிவித்ததாக அவரது உதவியாளர் வித்தல் மணியார் கூறினார்.

ஜெய்ப்பூர்: காங்கிரஸ் கட்சிக்கு அரசியலமைப்பின் மீது உண்மையான நம்பிக்கை இல்லை என்றும் மாறாக அரசியலமைப்பை அழிப்பதிலும், ஜனநாயகத்தைச் சிதைப்பதிலும்...

புதுடெல்லி: ‘காங்கிரஸ் கட்சி நாடாளுமன்றத்தில் கூடுதல் எம்பி-க்களை பெற வேண்டுமானால், ராகுல் காந்தி 7 நிபந்தனைகளை பின்பற்ற வேண்டும்....

புதுடெல்லி: அக்னிபத் திட்டத்தின் கீழ் முப்படைகளில் பணியாற்றும் அக்னி வீரர்களின் பணிக்காலத்தை 4 ஆண்டுகளில் இருந்து 6 ஆண்டுகளாக நீட்டிக்க மத்திய அமைச்சரவை ஒப்புதல் அளித்துள்ளது. பிரதமர் மோடி தலைமையில் நடைபெற்ற அமைச்சரவைக் கூட்டத்தில் இம்முடிவு எடுக்கப்பட்டது. ஏற்கெனவே 25 சதவீத வீரர்களுக்கு நிரந்தரப் பணி வழங்கப்பட்ட நிலையில், மீதமுள்ள 75 சதவீத வீரர்களுக்கு கூடுதலாக 2 ஆண்டுகள் பணி நீட்டிப்பு வழங்கப்படவுள்ளது. நீட்டிக்கப்பட்ட பணிக்காலத்துக்குப் பிறகு தகுதி மற்றும் விருப்பத்தின் அடிப்படையில் நிரந்தர நியமனம் பெறவும் வாய்ப்பு வழங்கப்படும். அடுத்த மாதம் பணிக்காலம் முடிவடையவிருந்த சுமார் 18,000 வீரர்கள் இதனால் பயனடைவார்கள். இம்முடிவுக்காக பிரதமர் மோடிக்கு பாதுகாப்புத் துறை அமைச்சர் ராஜ்நாத் சிங் நன்றி தெரிவித்துள்ளார்.

புதுடெல்லி: ஆன்லைன் பண மோசடிகளில் பாதிக்கப்படுவோருக்கு அதிகபட்சம் ரூ.25,000 இழப்பீடு வழங்கும் புதிய விதிமுறை 2027 ஜனவரி 1 முதல்...

டெல்லி:  ஐடிபிஐ வங்கியை வெளிநாடு நிறுவனத்திற்கு விற்க, ஒன்றிய அரசு ஒப்புதல் அளித்திருப்பது பெரும் சர்ச்சையை ஏற்படுத்திருக்கிறது. ஒன்றிய...

லக்னோ: குழந்தை பிறப்புக்கான ஐவிஎப் சிகிச்சையில் பலன் கிடைக்காதது மோசடி அல்ல என அலகாபாத் உயர் நீதிமன்றம் தெரிவித்துள்ளது....