பூந்தமல்லி–வடபழனி மெட்ரோக்கு பச்சை கொடி… குஷியில் சென்னை மக்கள்

பூந்தமல்லி – வடபழனி வரை மெட்ரோ ரயில் இயக்குவதற்கான அனுமதி வழங்கப்பட்டு உள்ளது.

சென்னையில் பொதுப் போக்குவரத்தை மேலும் மேம்படுத்தும் வகையில், பூந்தமல்லி – வடபழனி இடையே மெட்ரோ ரயில்களை இயக்க அதிகாரப்பூர்வ அனுமதி வழங்கப்பட்டு உள்ளது. இது நகரப் போக்குவரத்து துறையில் முக்கிய முன்னேற்றமாகக் கருதப்படுகிறது.

பூந்தமல்லி முதல் வடபழனி வரை மெட்ரோ

முதற்கட்டமாக, பூந்தமல்லி முதல் வடபழனி வரை மெட்ரோ ரயில் சேவை அறிமுகப்படுத்தப்பட உள்ளது. இந்த சேவை சென்னை மெட்ரோ ரயில் திட்டத்தின் இரண்டாம் கட்டப் பணிகளில் முக்கியமான பகுதியாகும்.

Real-Time Exchange RatesxChangerஇந்த புதிய சேவை மூலம் மேற்குப் பகுதி சென்னையில் இருந்து மத்திய பகுதிகளுக்கு பயணம் செய்யும் பயணிகளுக்கு நேரச்சேமிப்பு கிடைக்கும் என எதிர்பார்க்கப்படுகிறது. குறிப்பாக, பூந்தமல்லி, போரூர் உள்ளிட்ட பகுதிகளில் வசிக்கும் மக்களுக்கு இது பெரிய வசதியாக அமையும்.

இந்த வழித்தடம் முழுமையாக பொதுமக்கள் பயன்பாட்டிற்கு திறக்கப்பட்ட பிறகு, போக்குவரத்து நெரிசல் குறையும் என்றும், சுற்றுச்சூழல் மாசு குறையவும் உதவும் என்றும் அதிகாரிகள் தெரிவித்துள்ளனர்.