புதுடெல்லி: பிரிட்டனைச் சேர்ந்தவர் ரோரி போர்ட்டர். இவர் இந்தியாவுக்கு சுற்றுலா வந்த பிறகு டெல்லி மெட்ரோ ரயிலின் தரத்தைப் பாராட்டி வீடியோவை சமூக வலைதளத்தில் பகிர்ந்துள்ளார்.
அதில் ரோரி கூறியிருப்பதாவது: “டெல்லி மெட்ரோ ரயிலில் அரை மணி நேரப் பயணத்துக்கு ரூ.43 மட்டுமே (பிரிட்டன் பணத்தில் 0.35 பவுண்ட் மட்டுமே) கட்டணமாக உள்ளது. லண்டன் மெட்ரோவுடன் ஒப்பிடும்போது இது மிக மிக குறைவான கட்டணம். உலகிலேயே நான் பார்த்த மெட்ரோ ரயில்களில் மிகக் குறைவான கட்டணம் டெல்லியில் தான் உள்ளது.
மேலும், மெட்ரோ ரயில்களின் தரம், பாதுகாப்பு அருமையாக உள்ளது. அனைத்து ரயில்களும் மிகவும் அழகாகவும், சுத்தமாகவும் பராமரிக்கப்படுகின்றன. இதைப் பார்த்து நான் ஆச்சரியம் அடைந்தேன். உலகம் முழுவதும் நான் பார்த்த மெட்ரோ ரயில்களில் இதுதான் மிகச் சிறப்பாக இருக்கிறது என்று சொல்வேன். இவ்வாறு அவர் கூறியுள்ளார்.
இதைப் பார்த்த சிலர் ரோரி போர்ட்டரின் வீடியோவுக்கு பாராட்டு தெரிவித்துள்ளனர். இது குறித்து ஒரு பதிவர் கூறும்போது, “நமது மெட்ரோ ரயில் திட்டம், உலக அளவில் பிரபலம் பெற்று வருகிறது. நவீன வசதிகள், சுத்தமான ரயில் நிலையங்கள், வசதிகள் போன்றவை சர்வதேச சுற்றுலாப் பயணிகளின் கவனம் ஈர்த்து வருகிறது. உங்கள் நண்பர்களையும், குடும்பத்தாரையும் இந்தியாவில் சுற்றுலாப் பயணம் செல்வதற்கு ஊக்குவியுங்கள்” என்று தெரிவித்துள்ளார்.
More Stories
கான்பூர்: தொழிலதிபரின் மகன் ஓட்டிய சொகுசு கார் மோதி விபத்து – 6 பேர் காயம்
எதிர்க்கட்சிகள் அமளி: மக்களவை இன்றும் முடக்கம்!
எதிரி நாட்டு செயற்கைக்கோளை உளவு பார்க்கலாம்: இந்திய தனியார் விண்வெளி நிறுவனம் சாதனை