தங்கம் விலை அதிரடியாக பவுனுக்கு ரூ.1,840 உயர்வு

சென்னையில் இன்று (மே 12) ஆபரணத் தங்கம் விலை பவுனுக்கு ரூ.1,840 உயர்ந்துள்ளது. அதேபோல் வெள்ளியின் விலையும் கடுமையாக உயர்ந்துள்ளது.

சர்​வ​தேச பொருளாதார மற்றும் அரசியல் சூழல், மத்திய கிழக்கில் நிலவும் போர் பதற்றம், அமெரிக்க டாலருக்கு நிகரான இந்திய ரூபாயின் மதிப்பு, தங்கத்தின் மீதான முதலீடு, உலக பங்குச் சந்தை முதலீடு உள்ளிட்டவற்றின் அடிப்படை​யில், தங்கத்தின் விலை நிர்ணயிக்கப்படுகிறது. 

அந்தவகையில், தங்கம் விலை கடந்த சில நாட்களாகவே ஏற்ற இறக்கத்துடன் இருந்து வருகிறது. சென்னையில் நேற்று தங்கம் கிராமுக்கு ரூ.50 குறைந்து, ஒரு கிராம் ரூ.14,100-க்கும், பவுனுக்கு ரூ.400 குறைந்து ஒரு பவுன் ரூ.1,12,800-க்கு விற்பனையானது.

இந்நிலையில் தங்கம் விலை இன்று அதிரடியாக உயர்ந்து உள்ளது. அதன்படி, சென்னையில் இன்று 22 காரட் ஆபரணத் தங்கம் கிராமுக்கு ரூ.230 உயர்ந்து ஒரு கிராம் ரூ.14,330-க்கும், பவுனுக்கு ரூ.1840 உயர்ந்து ஒரு பவுன் ரூ.1,14,640-க்கும் விற்பனையாகிறது.

வெள்ளி விலை நிலவரம்: சென்னையில் வெள்ளி இன்று கிராமுக்கு ரூ.15 உயர்ந்து ஒரு கிராம் வெள்ளி ரூ.300-க்கு விற்பனையாகிறது. கட்டி வெள்ளி ஒரு கிலோ ரூ.3,00,000-க்கு விற்பனை செய்யப்படுகிறது.

அமெரிக்க டாலருக்கு நிகரான ரூபாய் மதிப்பு 95.49 ஆக கடும் வீழ்ச்சி கண்டுள்ளது. ஈரான் – அமெரிக்கா மோதல் பதற்றம் மீண்டும் வலுத்துள்ளதால் பங்குச் சந்தைகளும் வீழ்ச்சி கண்டு வருகின்றன. இந்தப் பின்னணியில், சர்வதேச அளவில் தங்கம் மீதான முதலீடு அதிகரித்ததால் ஆபரணத் தங்கம் விலையும் கூடியுள்ளது.