10 லட்சம் தொண்டர்கள்.. 4 லட்சம் பேருக்கு உணவு! திருச்சியில் திமுகவின் அசுர பலம்- அமைச்சர் கே.என். நேரு தகவல்

திருச்சியில் இன்று (மார்ச் 9, 2026) திமுகவின் 12-வது மாநில மாநாடு மிகப்பிரம்மாண்டமாக நடைபெற உள்ளது. 2026 சட்டமன்றத் தேர்தலை இலக்காகக் கொண்டு நடத்தப்படும் இந்த மாநாட்டின் பல்வேறு முக்கிய வசதிகள் செய்யப்பட்டு உள்ளன.

திருச்சி – சென்னை தேசிய நெடுஞ்சாலையில் உள்ள சிறுகனூர் பகுதியில் சுமார் 400 ஏக்கர் பரப்பளவில் பிரம்மாண்ட மேடை அமைக்கப்பட்டுள்ளது. இன்று மாலை 5:30 மணியளவில் திமுக தலைவரும் முதல்வருமான மு.க. ஸ்டாலின் 110 அடி உயரக் கொடிக்கம்பத்தில் கட்சி கொடியை ஏற்றி மாநாட்டைத் தொடங்கி வைக்கிறார்.
இந்த மாநாடு “ஸ்டாலின் தொடரட்டும், தமிழ்நாடு வெல்லட்டும்” என்ற முழக்கத்துடன் நடத்தப்படுகிறது.

நேரு சொல்வது என்ன?

2026 சட்டமன்றத் தேர்தலுக்கான வெள்ளோட்டமாகப் பார்க்கப்படும் திமுக மாநில மாநாடு இன்று திருச்சியில் களைகட்டியுள்ளது. இது குறித்து செய்தியாளர்களிடம் பேசிய அமைச்சர் கே.என். நேரு, மாநாட்டின் பிரம்மாண்டமான ஏற்பாடுகளைப் பட்டியலிட்டுள்ளார்.

  

This device changes the lives of seniors with hearing loss (without breaking the bank)Hearing Magazine1. வரலாறு காணாத இருக்கை வசதிகள்:
மாநாட்டுப் பந்தலில் ஒரே நேரத்தில் 3 லட்சம் பேர் அமரும் வகையில் நாற்காலிகள் போடப்பட்டுள்ளன. இது தவிர, பந்தலைச் சுற்றி சுமார் 2 லட்சம் பேர் நின்று கொண்டே மாநாட்டைப் பார்க்கும் வகையில் பிரம்மாண்டமான இடவசதி செய்யப்பட்டுள்ளது. ஒட்டுமொத்தமாக சுமார் 10 லட்சம் தொண்டர்கள் இந்த மாநாட்டில் பங்கேற்பார்கள் என எதிர்பார்க்கப்படுகிறது.
2. 4 லட்சம் பேருக்கு அறுசுவை உணவு:
மாநாட்டிற்கு வரும் தொண்டர்களுக்காகப் பசி போக்கும் வகையில் பிரம்மாண்ட சமையல் கூடங்கள் அமைக்கப்பட்டுள்ளன. சுமார் 4 லட்சம் பேருக்குத் தொடர்ச்சியாக உணவு வழங்கும் வகையில் ஏற்பாடுகள் செய்யப்பட்டுள்ளன. குடிநீர் வசதிக்காக ஆங்காங்கே சுத்திகரிக்கப்பட்ட குடிநீர் நிலையங்களும், சுகாதாரத்தைப் பேணப் போதுமான கழிவறை வசதிகளும் செய்யப்பட்டுள்ளன.
3. ஸ்டாலின் – நிர்வாகிகள் நேரடி சந்திப்பு:
அமைச்சர் கே.என். நேரு கூறுகையில், “இந்தத் தொடர்ச்சியான மாநாடுகள் கட்சிக்கு ஒரு புதிய ரத்தத்தைப் பாய்ச்சுகிறது. இதன் மூலம் கட்சித் தலைவர் மு.க. ஸ்டாலின் அவர்கள், கீழ்மட்டக் கழக நிர்வாகிகளுடன் நேருக்கும் நேர் சந்திக்கும் வாய்ப்பு கிடைக்கிறது. இது தொண்டர்களிடையே உற்சாகத்தை ஏற்படுத்தியுள்ளது” எனத் தெரிவித்தார்.
4. 2026 தேர்தலுக்கான அஸ்திவாரம்:
இந்த மாநாட்டின் மூலம் திமுக தனது பலத்தை நிரூபிப்பதோடு, 2026 தேர்தலில் மற்ற கட்சிகளுக்கு ஒரு சவாலான சூழலை உருவாக்கியுள்ளது. 110 அடி உயரத்தில் கட்சி கொடியை ஏற்றி, மாநாட்டைத் தொடங்கி வைக்கும் முதல்வர் ஸ்டாலின், இன்று மாலை தொண்டர்களுக்குப் புதிய உத்வேகம் அளிக்கும் உரையை ஆற்ற உள்ளார்.

எதிர்பார்க்கப்படும் அறிவிப்புகள்

2026 தேர்தலுக்கான முக்கியத் தேர்தல் வாக்குறுதிகளை முதல்வர் ஸ்டாலின் இன்று அறிவிக்க வாய்ப்புள்ளது.
தமிழகம் முழுவதிலுமிருந்து சுமார் 10 லட்சம் தொண்டர்கள் பங்கேற்பார்கள் என எதிர்பார்க்கப்படுகிறது. வாகனங்களை நிறுத்த மட்டும் தனியாக 200 ஏக்கர் ஒதுக்கீடு செய்யப்பட்டுள்ளது.

திருச்சியில் நடக்கும் அடுத்தடுத்த முக்கிய நிகழ்வுகள்

திருச்சி தற்போது தமிழக அரசியலின் மையப்புள்ளியாக மாறி உள்ளது. திமுக மாநாட்டைத் தொடர்ந்து மற்ற கூட்டணிகளும் திருச்சியில் களம் இறங்குகின்றன. பிரதமர் மோடி வருகை (மார்ச் 11): தேசிய ஜனநாயகக் கூட்டணி (NDA) சார்பில் நடைபெறும் பிரம்மாண்டப் பொதுக்கூட்டத்தில் பங்கேற்கப் பிரதமர் நரேந்திர மோடி மார்ச் 11 அன்று திருச்சி வருகிறார். எடமலைப்பட்டி புதூர் அருகே 22 ஏக்கர் பரப்பளவில் இதற்கான ஏற்பாடுகள் செய்யப்பட்டு வருகின்றன.

இந்த மாநாடுகள் மற்றும் கூட்டங்கள் 2026 சட்டமன்றத் தேர்தலில் திமுக கூட்டணி, அதிமுக-பாஜக கூட்டணி நடிகர் விஜய்யின் தமிழக வெற்றிக் கழகம் மற்றும் நாம் தமிழர் கட்சி ஆகியவற்றுக்கு இடையேயான நான்குமுனைப் போட்டிக்கு ஒரு தொடக்கப் புள்ளியாகப் பார்க்கப்படுகின்றன.