சென்னை: மெரினா லூப் சாலையில் உள்ள ஆக்கிரமிப்புகளை அகற்றக்கோரி தொடரப்பட்ட வழக்கு வாபஸ் பெறப்பட்டதால், அந்த வழக்கை தள்ளுபடி செய்து உயர் நீதிமன்றம் உத்தரவி்ட்டுள்ளது.
சென்னை, மெரினா கடற்கரையின் கலங்கரை விளக்கம் முதல் பட்டினப்பாக்கம் வரை உள்ள லூப் சாலை ஆக்கிரமிப்புகளை அகற்றும்படி சென்னை உயர்நீதிமன்றம் கடந்த 2023 மற்றும் 2025-ம் ஆண்டுகளில் உத்தரவிட்டது.
இருப்பினும் அப்பகுதியில் ஆக்கிரமிப்புகள் அகற்றப்படவில்லை எனக்கோரி, ஆனந்த் என்பவர் உயர் நீதிமன்றத்தில் வழக்கு தொடர்ந்திருந்தார்.
அதில், லூப் சாலையை ஆக்கிரமித்து சாலையோரங்களில் உணவகங்கள் அனுமதியின்றி வணிக நோக்கில் நடத்தப்படுவதாகவும், இந்த ஆக்கிரமிப்புகளை அதிகாரிகள் கண்டுகொள்வதில்லை என கூறியிருந்தார்.
இந்த வழக்கு தலைமை நீதிபதி எஸ்.ஏ.தர்மாதிகாரி மற்றும் நீதிபதி ஜி.அருள்முருகன் ஆகியோர் அடங்கிய அமர்வில் நேற்று மீண்டும் விசாரணைக்கு வந்தது.
அப்போது, அப்பகுதியில் உள்ள ஆக்கிரமிப்புகளை அகற்ற வேண்டுமென ஏற்கெனவே உயர் நீதிமன்றம் உத்தரவிட்டுள்ள நிலையில் மீண்டும் எப்படி உத்தரவு பிறப்பிக்க முடியும் எனக்கேள்வி எழுப்பிய நீதிபதிகள், ஒருவேளை உயர் நீதிமன்றம் பிறப்பித்த உத்தரவை அதிகாரிகள் அமல்படுத்தவில்லை என்றால் அதை எதி்ர்த்து நீதிமன்ற அவமதிப்பு வழக்கு தானே தொடர முடியும், என்றனர்.
அதையடுத்து, மனுதாரர் தரப்பில், இந்த மனுவை வாபஸ் பெற்றுக்கொள்வதாக தெரிவிக்கப்பட்டது. அதையடுத்து நீதிபதிகள் இந்த மனுவை தள்ளுபடி செய்து உத்தரவிட்டனர்.
More Stories
இராமநாதபுரம் மாவட்டம், மண்டபம் ஊராட்சி ஒன்றியம், சாத்தக்கோன்வலசை அரியமான் செல்லும் சாலையில் மாவட்ட ஆட்சித்தலைவர் மா.சிவகுரு பிரபாகரன் மரக்கன்றுகளை நடவு செய்யும் பணியினை தொடங்கி வைத்தார்
இராமநாதபுரம் மாவட்டம், நயினார்கோவில் வட்டாரத்திற்குட்பட்ட நகரம் ஊராட்சியில் அமைந்துள்ள கோமுட்டியேந்தல் கண்மாயின் சீரமைப்பு மற்றும் கரை பலப்படுத்தும் பணிகளை மாவட்ட ஆட்சித்தலைவர் மா.சிவகுரு பிரபாகரன் கிராம மக்கள் மற்றும் கண்மாய் சங்க நிர்வாகிகளின் முன்னிலையில், துவக்கி வைத்தார்.
தமிழ்நாடு முதலமைச்சரும், தமிழக வெற்றிக் கழகத்தின் தலைவருமான ஜோசப் விஜய் அவர்களின் பிறந்தநாளை முன்னிட்டு பழனி அடிவாரம் அரசு நடுநிலைப் பள்ளியில் பயிலும் 230 மாணவர்களுக்கு நோட்புக்குகள் வழங்கப்பட்டன.