NZ vs SA T20: ‘பதிலடினா இப்படி இருக்கணும்’.. நியூசிலாந்தை வச்சு செஞ்ச தென்னாப்பிரிக்கா: மெகா வெற்றி!

நியூசிலாந்துக்கு எதிரான முதல் டி20 போட்டியில், தென்னாப்பிரிக்க அணி அபாரமாக செயல்பட்டு 7 விக்கெட்கள் வித்தியாசத்தில் வெற்றியைப் பெற்றது. குறிப்பாக, நியூசிலாந்தை 91 ரன்களில் சுருட்டி அசத்தினார்கள்.

நியூசிலாந்து சென்றுள்ள தென்னாப்பிரிக்க அணி, மூன்று போட்டிகள் கொண்ட டி20 தொடரில் பங்கேற்று விளையாடி வருகிறது. இதில், முதல் போட்டியில் டாஸ் வென்ற நியூசிலாந்து அணி, முதலில் பேட்டிங்கை தேர்வு செய்தது.

நியூசிலாந்து இன்னிங்ஸ்: முதலில் களமிறங்கிய நியூசிலாந்து அணியில், முதல் 5 பேட்டர்களும் 10 ரன்களை தாண்டவில்லை. டிவோன் கான்வே 1 (5), லேதம் 7 (6), டிம் ராபின்சன் 6 (5), நிக் ஹெய்லி 2 (5), பெவோன் ஜாகப்ஸ் 10 (7) ஆகியோர் அடுத்தடுத்து அவுட் ஆகி ஷாக் கொடுத்தனர்.

பிறகு, கேப்டன் மிட்செல் சாண்ட்னர் 15 (19), ஜேம்ஸ் நீஷன் 26 (21), கோலி மெக்கன்சி 15 (11) ஆகியோர் ஓரளவுக்கு ரன்களை எடுத்ததால், நியூசிலாந்து அணி, 14.3 ஓவர்கள் முடிவில் 91/10 ரன்களை எடுத்தது.

தென்னாப்பிரிக்க அணி பௌலர் மொகோனா 3.3 ஓவர்களில் 26 ரன்களை விட்டுக்கொடுத்து 3 விக்கெட்களை கைபறபற்றினார். காட்ஷி, பார்ட்மேன், கேசவ் மகாராஜ் ஆகியோர் தால 2 விக்கெட்களை கைப்பற்றினார்கள்.

தென்னாப்பிரிக்க இன்னிங்ஸ்: இலக்கை துரத்திக் களமிறங்கிய தென்னாப்பிரிக்க அணியில், ஓபனர் டோனி டி ஜோர்ஷி 2 (8), ஒன்டவுன் பேட்டர் ஹெர்மன் 7 (6) ஆகியோர் அடுத்தடுத்து ஒற்றை இலக்க ரன்களுக்கு அவுட் ஆனார்கள். இதனால், தென்னாப்பிரிக்க அணிக்கும் துவக்கத்திலேயே பெரிய பின்னடைவு ஏற்பட்டது.

பிறகு, ஓபனர் கன்னோர், ஒருபக்கம் தொடர்ச்சியாக நிதானமாக விளையாடி, 48 பந்துகளில் தலா 2 பவுண்டரி, 2 சிக்ஸர்கள் உட்பட 45 ரன்களை எடுத்து, ஸ்கோரை உயர்த்தினார். மேலும், ஜேசன் ஸ்மித் 10 (14), டியான் போரெஸ்டர் 16 (25) ஆகியோரும் ஓரளவுக்கு ரன்களை அடித்த நிலையில், தென்னாப்பிரிக்க அணி, 16.4 ஓவர்கள் முடிவில் 93/3 என ரன்களை எடுத்து, 7 விக்கெட்கள் வித்தியாசத்தில் வெற்றியைப் பெற்றது.

நியூசிலாந்து அணியில், மிட்செல் சாண்ட்னர் மிரட்டலாக பந்துவீசி 4 ஓவர்களில் வெறும் 8 ரன்களை மட்டும் விட்டுகொடுத்து ஒரு விக்கெட்டை எடுத்தார்.

சரியான பதிலடி: டி20 உலகக் கோப்பை 2026 தொடரின் அரையிறுதிப் போட்டியில், தென்னாப்பிரிக்க அணி நிர்ணயித்த 170 ரன்கள் இலக்கை, நியசிலாந்து அணி 12.5 ஓவர்களிலேயே துரத்தி வென்று, பைனலுக்கு முன்னேறியது. தற்போது, நியூசிலாந்து மண்ணில் விளையாடி, அந்த அணியை 91 ரன்களில் சுருட்டி வெற்றியைப் பெற்றுள்ளனர்.

இரு அணிகளுக்கும் இடையில், 5 டி20 போட்டிகள் நடைபெறும் என அறிவிக்கப்பட்டுள்ளது. முதல் போட்டி முடிந்துள்ள நிலையில், இரண்டாவது போட்டி, வரும் மார்ச் 17ஆம் தேதி நடைபெறும். பிறகு, அடுத்தடுத்த போட்டிகள் மார்ச் 20, 22, 25 ஆகிய தேதிகளில் நடைபெறும். இரு அணிகளுக்கும் இடையில் டி20 தொடர் மட்டுமே நடைபெறும் என அறிவிக்கப்பட்டுள்ளது.

காரணம், இந்த தொடர் முடிந்தப் பிறகு ஐபிஎல் 2026 தொடர் நடைபெறவுள்ளதால், அதில் பங்கேற்க இரு அணியின் முக்கிய வீரர்கள் சென்றுவிடுவார்கள். ஐபிஎல் 2026 தொடர், மார்ச் 28ஆம் தேதி துவங்கவுள்ளது என்பது குறிப்பிடத்தக்கது.