பட்டியில் கட்டப்பட்டிருந்த ஆடுகளை தெரு நாய்கள் கடித்துக் குதறியதில் 7 ஆடுகள் பலி….

பாதிக்கப்பட்ட விவசாயி தெரு நாய்களுக்கு கருத்தடை செய்து நாய்களின் எண்ணிக்கை கட்டுப்படுத்த வேண்டும் என கோரிக்கை ….

நாமக்கல் மாவட்டம் இராசிபுரம் அடுத்த மங்களபுரம் ஊராட்சி காவல் நிலையம் அருகே வசிப்பவர் இந்துமதி. இவர் விவசாய தொழில் செய்து வருகிறார். ஆடுகளை மேய்ச்சலுக்கு அழைத்துச் சென்று விட்டு மாலையில் தனது வீட்டின் அருகே உள்ள பட்டியில் தன்னுடைய ஆடுகளை கட்டி வைத்துள்ளார்.

இந்நிலையில்  கட்டி வைத்திருந்த ஆடுகளை இரவு நேரங்களில் அப்பகுதியில் சுற்றி திரிந்த தெரு நாய்கள் கடித்துக் குதறியதில் 7 ஆடுகள் பலியானது.

இதுகுறித்து பாதிக்கப்பட்ட விவசாயி கூறுகையில் …

எங்கள் பகுதியில் தெரு நாய்களின் தொல்லைகள் அதிகரித்துள்ள நிலையில்  சுற்றித்திரிந்த தெரு நாய்கள் கட்டப்பட்டிருந்த 7 ஆடுகளின் கழுத்தை கடித்து குதறி கொன்றுள்ளது.இதனால் தங்களுடைய குழந்தைகளை வெளியே அழைத்துச் செல்வது பயமாக உள்ளது.ஏற்கனவே இது போன்று எங்கள் பகுதியில் இரண்டு மூன்று முறை ஆடுகளை தெரு நாய்கள் கடித்து கொன்றுள்ளது.

இது சம்பந்தமாக பலமுறை பஞ்சாயத்தில் புகார் அளித்தும் இதுவரை எந்த ஒரு நடவடிக்கையும் எடுக்கவில்லை.மேலும் நாய்களுக்கு. கருத்தடை செய்து நாய்களின் எண்ணிக்கையை கட்டுப்படுத்த வேண்டுமென்றும் பாதிக்கப்பட்ட எங்களுக்கு உரிய இழப்பீடு வழங்க வேண்டும் எனவும் கோரிக்கை வைத்துள்ளனர்.