சென்னை: காஸ் இருப்பை அறிந்து கொள்ளும் வகையில் புதுமையான 10 கிலோ கலவை எல்பிஜி சிலிண்டரை இந்தியன் ஆயில் நிறுவனம் அறிமுகப்படுத்தியுள்ளது.
‘இண்டேன் எக்ஸ்ட்ராலைட் நவ்’ (Indane XTRALITE NOW) என்ற புதுமையான 10 கிலோ கலவை எல்பிஜி சிலிண்டரை இந்தியன் ஆயில் நிறுவனம் அறிமுகப்படுத்தியுள்ளது.
இந்த எக்ஸ்ட்ராலைட் நவ் இலகுரக, துருப்பிடிக்காத கலவை சிலிண்டர் தொழில்நுட்பத்தையும், டிஜிட்டல் சேவை அமைப்பையும் ஒருங்கிணைத்து, வாடிக்கையாளர்களுக்கு அதிக வசதி, பாதுகாப்பு மற்றும் வெளிப்படைத்தன்மையை வழங்குகிறது.
இந்த சிலிண்டரின் வெளிப்படையான உடல் அமைப்பின் மூலம் எரிவாயு இருப்பை எளிதாக கண்காணிக்க முடியும். மேலும், முன்பதிவு செய்த நான்கு மணி நேரத்துக்குள் அல்லது வாடிக்கையாளர்கள் விரும்பும் நேரத்தில் சிலிண்டர் டெலிவரி செய்யப்படும்.
இந்த புதிய வகை சிலிண்டரை இந்தியன் ஆயில் நிறுவனத்தின் தலைவர் ஏ.எஸ்.சாஹ்னே தொடங்கி வைத்தார். மேலும், 10 மற்றும் 5 கிலோ எல்பிஜி சிலிண்டர்களை நான்கு மணி நேரத்துக்குள் டெலிவரி செய்யும் சேவையையும் தொடங்கி வைத்தார்.
நிகழ்ச்சியில் பேசிய ஏ.எஸ்.சாஹ்னே, “வாடிக்கையாளர்களின் வாழ்க்கையை மேம்படுத்தும் போதுதான் புதுமைக்கு உண்மையான அர்த்தம் கிடைக்கிறது.
இண்டேன் எக்ஸ்ட்ராலைட் நவ், மேம்பட்ட கலவை சிலிண்டர் தொழில்நுட்பத்தையும், தடையற்ற மற்றும் மேம்பட்ட சேவை முறையையும் இணைத்து, புத்திசாலித்தனமான, பாதுகாப்பான மற்றும் அதிக வசதியான எல்பிஜி அனுபவத்தை வழங்குகிறது.
எதிர்காலத்துக்கேற்ற எரிசக்தி தீர்வுகளை வழங்கு வதிலும், வாடிக்கையாளர் சேவையில் புதிய தரநிலைகளை உருவாக்குவதிலும் இந்தியன் ஆயில் உறுதியாக செயல்படுகிறது” என்றார்.
More Stories
தங்கம் பவுனுக்கு ரூ.560 உயர்வு: வெள்ளி விலையில் மாற்றமில்லை
தங்கம் விலை உயர்ந்ததா – குறைந்ததா? இன்றைய நிலவரம் என்ன?
இந்தியப் பொருட்களுக்கு 10% கூடுதல் வரி விதித்தது அமெரிக்கா