வெளியாகிறது தவெக தேர்தல் அறிக்கை.. என்னென்ன அறிவிப்புகளை வெளியிடுகிறார் விஜய்

தமிழக வெற்றிக் கழகத் தலைவர் விஜய், சமூக நீதி, பெண்கள் நலன் மற்றும் மாவட்ட வளர்ச்சித் திட்டங்களை உள்ளடக்கிய 2026 தேர்தல் அறிக்கையை இன்று வெளியிடுகிறார்.

தமிழக அரசியலில் பெரும் எதிர்பார்ப்புக்கு மத்தியில், தமிழக வெற்றிக் கழகத்தின் (தவெக) தலைவர் விஜய், 2026 சட்டமன்றத் தேர்தலுக்கான அக்கட்சியின் முழுமையான தேர்தல் அறிக்கையை இன்று, ஏப்ரல் 16, 2026 அன்று வெளியிடுகிறார். சென்னை நுங்கம்பாக்கத்தில் நடைபெறும் நிர்வாகிகள் சந்திப்பில் இந்த முக்கிய ஆவணம் வெளியிடப்படுகிறது.

கட்சியின் கொள்கை விளக்க மாநாட்டில் முன்வைக்கப்பட்ட மதச்சார்பற்ற சமூக நீதி என்ற கருத்தியலின் அடிப்படையில் இந்த அறிக்கை தயார் செய்யப்பட்டுள்ளது.

காவலர்களுக்கு விஜய் SALUTE ! யார் இந்த R . ஸ்டாலின்?
அறிக்கையின் முக்கிய சிறப்பம்சங்கள்

பெண்கள் மற்றும் இளைஞர் நலன்:

தவெக-வின் தேர்தல் அறிக்கையில் பெண்களுக்கான ஊதியம் மற்றும் குடும்பத் தலைவிகளுக்கான சிறப்பு உதவித்தொகை குறித்து முக்கிய அறிவிப்புகள் இடம்பெறும் எனத் தெரிகிறது. மேலும், படித்த இளைஞர்களுக்கான வேலைவாய்ப்பு உறுதித் திட்டம் மற்றும் அரசுப் பணிகளில் வெளிப்படைத்தன்மை போன்றவை பிரதானமாக இருக்கும்.

  

மண்டல வாரியான வாக்குறுதிகள்மற்ற கட்சிகளிடமிருந்து மாறுபட்டு, ஒவ்வொரு மாவட்டத்திற்கும் உள்ள தனித்துவமான பிரச்சனைகளைத் தீர்க்கும் வகையில் மாவட்ட வாரியான தேர்தல் வாக்குறுதிகளை விஜய் வழங்குகிறார். இது அந்தந்த பகுதி மக்களின் தேவைகளை நேரடியாகப் பூர்த்தி செய்யும் முயற்சியாகப் பார்க்கப்படுகிறது.

பொருளாதார வளர்ச்சி மற்றும் நிர்வாகம்

விவசாயிகளுக்கு நியாயமான விலை, சிறு குறு தொழில்களுக்கான மின்சார மானியம் மற்றும் ஊழலற்ற வெளிப்படையான நிர்வாகத்தை வழங்குவதற்கான ஒரு செயல் திட்டத்தை தவெக முன்வைக்கிறது. அரசுத் துறைகளில் டிஜிட்டல் மயமாக்கல் மூலம் நிர்வாகச் சிக்கல்களைக் குறைக்கத் திட்டமிடப்பட்டுள்ளது.

சமூக நீதி மற்றும் கல்வி

மாநில சுயாட்சி மற்றும் சமூக நீதியை வலியுறுத்தும் வகையில், கல்வி மற்றும் வேலைவாய்ப்பில் இடஒதுக்கீடு முறையைப் பாதுகாப்பதற்கான உறுதியான நிலைப்பாட்டை விஜய் எடுத்துள்ளார். ஏழை மாணவர்களுக்குத் தரமான கல்வி கிடைக்கச் செய்யும் சிறப்புத் திட்டங்களும் இதில் அடங்கும்.

இந்த தேர்தல் அறிக்கை வெறும் வாக்குறுதிகளின் தொகுப்பாக இல்லாமல், ஒரு மாற்றுக் கட்சி தமிழகத்தை எப்படிக் கொண்டு செல்லும் என்பதற்கான தொலைநோக்குப் பார்வையாகக் கருதப்படுகிறது. முக்கிய நிர்வாகிகளுக்கு முன்னிலையில் வெளியிடப்படும் இந்த அறிக்கை, தவெக-வின் தேர்தல் பிரச்சாரத்தில் மிக முக்கியத் திருப்புமுனையாக அமையும் என அரசியல் விமர்சகர்கள் கருதுகின்றனர்.

விஜய் இதுவரை வெளியிட்டுள்ள வாக்குறுதிகள்

• மதிப்புமிகு மகளிர் திட்டம்: குடும்பத் தலைவிகளுக்கு மாதம் ₹2,500 உரிமைத் தொகை வழங்கப்படும்.
• அன்னபூரணி சூப்பர் சிக்ஸ்: ஒவ்வொரு குடும்பத்திற்கும் ஆண்டுக்கு 6 சமையல் எரிவாயு சிலிண்டர்கள் (LPG) இலவசம்.
• அண்ணன் சீர் திட்டம்: ஏழைப் பெண்களின் திருமணத்திற்கு 1 சவரன் தங்கம் மற்றும் பட்டுச் சேலை வழங்கப்படும்.
• வெற்றிப் பயணத் திட்டம்: தமிழகத்தின் அனைத்து அரசுப் பேருந்துகளிலும் பெண்களுக்கு இலவசப் பயணம்.
• தாய்மாமன் தங்க மோதிரம்: பிறக்கும் குழந்தைகளுக்கு தங்க மோதிரம் மற்றும் குழந்தை வரவேற்பு கிட் வழங்கப்படும்.
• வேலைவாய்ப்பு உறுதி: தமிழக அரசு வேலைவாய்ப்புகளில் 75% தமிழர்களுக்கே முன்னுரிமை அளிக்கப்படும்.
• இளைஞர் நல நிதி: வேலையில்லாத பட்டதாரிகளுக்கு மாதம் ₹4,000 மற்றும் பாலிடெக்னிக் முடித்தவர்களுக்கு ₹2,000-₹2,500 வரை உதவித்தொகை வழங்கப்படும்.
• கல்வி கடன்: 12-ஆம் வகுப்புக்கு மேல் பயிலும் மாணவர்களுக்கு ₹20 லட்சம் வரை பிணையில்லா கல்வி கடன் வழங்கப்படும்.
• காமராஜர் கல்வி உறுதித் திட்டம்: 1 முதல் 12-ஆம் வகுப்பு வரை பயிலும் மாணவர்களின் தாய் அல்லது காப்பாளர் வங்கி கணக்கில் ஆண்டுதோறும் ₹15,000 செலுத்தப்படும்