2026 சட்டப்பேரவைத் தேர்தல்: கேரளம், புதுச்சேரி மற்றும் அசாமில் இன்று வாக்குப்பதிவு!

இன்று ஏப்ரல் 9, 2026 (வியாழக்கிழமை), கேரளம், புதுச்சேரி மற்றும் அசாம் ஆகிய மூன்று மாநிலங்களிலும் சட்டப்பேரவைத் தேர்தலுக்கான வாக்குப்பதிவு ஒரே கட்டமாக நடைபெற உள்ளது.

இந்தியாவின் ஜனநாயகத் திருவிழாவான சட்டப்பேரவைத் தேர்தல் 2026-ன் ஒரு முக்கியக் கட்டமாக, கேரளம், புதுச்சேரி மற்றும் அசாம் ஆகிய மூன்று மாநிலங்களில் இன்று (ஏப்ரல் 09) விறுவிறுப்பான வாக்குப்பதிவு நடைபெறது
.

ஒரே கட்டமாகத் தேர்தல்

இந்தியத் தேர்தல் ஆணையத்தின் அறிவிப்பின்படி, இந்த மூன்று மாநிலங்களிலும் அனைத்துத் தொகுதிகளுக்கும் இன்று ஒரே கட்டமாகத் தேர்தல் நடத்தப்படுகிறது. இதற்காகப் பலத்த பாதுகாப்பு ஏற்பாடுகள் செய்யப்பட்டுள்ளன.

• கேரளம்: 140 தொகுதிகள்
• அசாம்: 126 தொகுதிகள்
• புதுச்சேரி: 30 தொகுதிகள்

முக்கியத் தகவல்கள்

வாக்குப்பதிவு நேரம்: காலை 7 மணி முதல் மாலை வரை பொதுமக்கள் தங்கள் ஜனநாயகக் கடமையை ஆற்றி வருகின்றனர்.
வாக்கு எண்ணிக்கை: இன்று பதிவாகும் வாக்குகள் அனைத்தும் வரும் மே 4, 2026 அன்று எண்ணப்பட்டு முடிவுகள் அறிவிக்கப்பட உள்ளன. தமிழ்நாட்டிற்கு வரும் ஏப்ரல் 23-ஆம் தேதி தேர்தல் நடைபெற உள்ளது குறிப்பிடத்தக்கது.

பேப்பர்ல இருக்க எய்ம்ஸ் எப்ப நிஜத்துல வரும்? முதலமைச்சர் ஸ்டாலின் கேள்வி?

கள நிலவரம்

புதுச்சேரியில் ஆளும் கூட்டணிக்கும் எதிர்க்கட்சிக்கும் இடையே கடும் போட்டி நிலவும் நிலையில், கேரளாவில் மும்முனைப் போட்டி நிலவுகிறது. அசாம், கேரளம் மற்றும் புதுச்சேரியின் எதிர்காலத்தைத் தீர்மானிக்கப்போகும் இந்தத் தேர்தல் முடிவுகள் குறித்து இந்தியா முழுவதும் பெரும் எதிர்பார்ப்பு எழுந்துள்ளது.

கேரளம்

கேரளாவில் வழக்கம்போல மும்முனைப் போட்டி நிலவுகிறது:

• LDF (இடதுசாரி ஜனநாயக முன்னணி): சி.பி.ஐ(எம்) தலைமையில் முதல்வர் பினராயி விஜயன் தலைமையில் மூன்றாவது முறையாக ஆட்சியைப் பிடிக்கப் போட்டியிடுகிறது.
• UDF (ஐக்கிய ஜனநாயக முன்னணி): காங்கிரஸ் தலைமையில் ராகுல் காந்தி உள்ளிட்ட தலைவர்களின் பிரச்சாரத்துடன் மீண்டும் ஆட்சியைப் பிடிக்கக் களம் காண்கிறது.
• NDA (தேசிய ஜனநாயக கூட்டணி): பா.ஜ.க தலைமையில் தனது செல்வாக்கை உயர்த்தப் போட்டியிடுகிறது. இக்கூட்டணியில் பாரத் தர்ம ஜன சேனா (BDJS) மற்றும் டுவென்டி-20 (Twenty20) கட்சிகளும் இணைந்துள்ளன

அசாம்

அசாமில் பா.ஜ.க மற்றும் காங்கிரஸ் கூட்டணிகளுக்கு இடையே நேரடிப் போட்டி நிலவுகிறது:

• NDA (பா.ஜ.க கூட்டணி): முதல்வர் ஹிமந்த பிஸ்வா சர்மா தலைமையில் அஸோம் கண பரிஷத் (AGP), போடோலாந்து மக்கள் முன்னணி (BPF) ஆகிய கட்சிகளுடன் இணைந்து ஹாட்ரிக் வெற்றிக்காகப் போட்டியிடுகிறது.
• ASM (அசாம் சன்மிலிதோ மோர்ச்சா): காங்கிரஸ் தலைமையில் கௌரவ் கோகோய் தலைமையில் எதிர்க்கட்சிகள் இணைந்து வலுவான கூட்டணியை அமைத்துள்ளன.
• தனித்துப் போட்டியிடுபவர்கள்: ஏ.ஐ.யு.டி.எஃப் (AIUDF) கட்சி சில தொகுதிகளில் தனித்துப் போட்டியிடுகிறது.

புதுச்சேரி (Puducherry)

புதுச்சேரியில் ஆளும் கூட்டணிக்கும் எதிர்க்கட்சிகளுக்கும் இடையே கடும் போட்டி உள்ளது:

• NDA (ஆளும் கூட்டணி): என்.ஆர்.காங்கிரஸ் (AINRC), பா.ஜ.க மற்றும் அ.தி.மு.க ஆகியவை இணைந்து மீண்டும் ஆட்சியமைக்கப் போட்டியிடுகின்றன.
• மதச்சார்பற்ற முற்போக்கு கூட்டணி: காங்கிரஸ் மற்றும் தி.மு.க ஆகியவை இணைந்து தேர்தலைச் சந்திக்கின்றன.
• புதிய வரவு: நடிகர் விஜய்யின் தமிழக வெற்றி கழகம் (TVK) முதன்முறையாகத் தேர்தலில் போட்டியிடுவதால் அங்கு மும்முனைப் போட்டி உருவாகியுள்ளது.கேரளம், புதுச்சேரி, அசாம் மற்றும் தமிழ்நாடு உள்ளிட்ட அனைத்து மாநிலங்களுக்கான தேர்தல் முடிவுகள் 2026 மே 4-ஆம் தேதி (திங்கட்கிழமை) அறிவிக்கப்பட உள்ளன