தங்கம் விலை ஒரு கிராம் ரூ.15 ஆயிரத்தை கடந்தது!

சென்னை: சென்னையில் இன்று (பிப்.28) ஆபரணத் தங்கத்தின் விலை ஒரு கிராம் ரூ.15,000-ஐ கடந்து விற்பனையாகிறது. ஒரே நாளில் பவுனுக்கு ரூ.2400 உயர்ந்து அதிர்ச்சியைக் கடத்தியுள்ளது. வெள்ளி விலையும் கிராமுக்கு ரூ.5 உயர்ந்து ஒரு கிராம் ரூ.300-க்கு விற்பனையாகிறது.

சர்​வ​தேச பொருளாதார மற்றும் அரசியல் சூழல், அமெரிக்க டாலருக்கு நிகரான இந்திய ரூபாயின் மதிப்பு, தங்கத்தின் மீதான முதலீடு அதிகரிப்பு, உலக பங்குச் சந்தை முதலீடுகள் உள்ளிட்டவற்றின் அடிப்படை​யில், தங்கத்தின் விலை நிர்ணயிக்கப்படுகிறது. உலக அளவில் தங்கத்தை இறக்குமதி செய்யும் நாடுகளில் இந்தியா முன்னணியில் உள்ளது.

இந்தச் சூழலில், இந்த வாரத் தொடக்கத்தில் இருந்தே தங்கம் விலை உயர்ந்து வரு​கிறது. உலக நாடுகளுக்கு இடையிலான வர்த்தக ரீதியான உறவு இதற்கு முக்கிய காரணம் என துறை சார்ந்த வல்லுநர்கள் கருத்து தெரிவித்துள்ளனர்.

மேலும், ஈரான் – அமெரிக்கா இடையிலான போர் பதற்றமும் தங்கத்தின் விலையில் தாக்கத்தை ஏற்படுத்தி உள்ளது.

இந்நிலையில், சென்னையில் இன்று 22 காரட் ஆபரணத் தங்கம் கிராமுக்கு ரூ.300 உயர்ந்து, ஒரு கிராம் ரூ.15,200-க்கு விற்பனை செய்யப்படுகிறது. அதேபோல் பவுனுக்கு ரூ. 2400 உயர்ந்து ஒரு பவுன் ரூ.1,21,600-க்கு விற்பனை செய்யப்படுகிறது.

18 கேரட் தங்கம் ரூ.260 உயர்ந்து ஒரு கிராம் ரூ.13,010க்கு விற்பனை செய்யப்படுகிறது.

சென்னையில் இன்று வெள்ளி கிராமுக்கு ரூ. 5 உயர்ந்து ஒரு கிராம் ரூ.300-க்கு விற்பனை செய்யப்படுகிறது. கட்டி வெள்ளி ரூ.5,000 உயர்ந்து ஒரு கிலோ ரூ.3,00,000-க்கு விற்பனையாகிறது. தங்கம் விலையின் தொடர் ஏற்றம் நகை வாங்குவோர் மத்தியில் அதிர்ச்சியை ஏற்படுத்தியுள்ளது.