37 ஆண்டு சாதனையை உடைக்கவிருக்கும் ரோகித் சர்மா.. இன்றைய ODI போட்டியில் புதிய மைல்கல்!

ஆப்கானிஸ்தானுக்கு எதிரான முதல் ஒருநாள் போட்டியில் இந்தியா இன்று தரம்சாலா மைதானத்தில் விளையாடுகிறது.

தரம்சாலாவில் இன்று தொடங்கும் இந்தியா–ஆப்கானிஸ்தான் ஒருநாள் தொடரின் முதல் போட்டியில் ரோகித் சர்மா புதிய வயது சாதனை நோக்கி செல்கிறார். 37 ஆண்டு பழமையான மொஹிந்தர் அமர்நாத் சாதனையை முறியடித்து, இந்தியாவின் அதிக வயதான ODI வீரராகிறார். டெஸ்டில் ஆப்கானிஸ்தானை 300 ரன்கள் வித்தியாசத்தில் வீழ்த்திய இந்தியா, இப்போது ஒருநாளிலும் ஆதிக்கம் செலுத்தத் தயாராக உள்ளது.

இந்தியாவிற்கு சுற்றுப்பயணம் செய்துள்ள ஆப்கானிஸ்தான் அணி 1 டெஸ்ட் போட்டி மற்றும் 3 ஒருநாள் போட்டிகளில் விளையாடுகிறது. முதலில் நடைபெற்ற டெஸ்ட் போட்டியில் 300 ரன்கள் வித்தியாசத்தில் ஆப்கானிஸ்தானை தோற்கடித்த சுப்மன் கில் தலைமையிலான இந்திய அணி அசத்தியது.

ரோகித் சர்மாcricinfo

இந்நிலையில் 3 போட்டிகள் கொண்ட ஒருநாள் தொடர் இன்று தொடங்கவிருக்கிறது. இரண்டு அணிகளும் மோதவிருக்கும் முதல் ஒருநாள் போட்டி பகல் 1.30 மணிக்கு தரம்சாலா மைதானத்தில் நடக்கவிருக்கிறது. விராட் கோலி காயம் காரணமாக தொடரிலிருந்து விலகிய நிலையில், ரோகித் சர்மா விளையாடவிருக்கிறார்.