IPL 2026 : கிரிக்கெட் திருவிழா ஆரம்பமாகிறது.. ஐபிஎல் 2026 தொடரின் முதற்கட்ட போட்டி அட்டவணை வெளியீடு..

கடந்த சீசனில் மொத்தம் 74 போட்டிகள் நடத்தப்பட்ட நிலையில் நடப்பு சீசனில் கூடுதலாக 10 போட்டிகள் நடத்தப்படும் என எதிர்பார்க்கப்படுகிறது.

கிரிக்கெட் ரசிகர்கள் ஆவலுடன் எதிர்பார்க்கும் ஐபிஎல் கிரிக்கெட் தொடருக்கான போட்டி அட்டவணை முதல் கட்டமாக வெளியிடப்பட்டுள்ளது.

இந்தியா மட்டுமின்றி உலகம் முழுவதும் உள்ள கிரிக்கெட் ரசிகர்கள் ஐபிஎல் கிரிக்கெட் தொடரை மிகுந்த ஆவலுடன் எதிர்பார்த்துள்ளனர். இதுவரை 18 சீசன்கள் நடந்து முடிந்துள்ள நிலையில், 19 ஆவது சீசன் இந்த மாதம் 28 ஆம் தேதி தொடங்குகிறது.

கடந்த சீசனில் பஞ்சாப் கிங்ஸ் அணியை இறுதிப் போட்டியில் வீழ்த்தி ராயல் சேலஞ்சர்ஸ் பெங்களூரு அணி முதன் முறையாக சாம்பியன் பட்டத்தை வென்றது. அதன்பின்னர் நடந்த கொண்டாட்ட நிகழ்ச்சியில் ஏற்பட்ட நெரிசலில் சிக்கி 11 பேர் உயிரிழந்தனர். இது தொடர்பாக வழக்கு நடைபெற்று வருகிறது.