தமிழகத்தில் 16-ம் தேதி வரை அதிகபட்ச வெப்பநிலை 7 டிகிரி வரை உயரக்கூடும்

சென்னை: தமிழகத்​தில் இன்று முதல் 16-ம் தேதி வரை அதி​கபட்ச வெப்​பநிலை வழக்​கத்தை விட 7 டிகிரி ஃபாரன்​ஹீட் வரை உயரக்​கூடும்.

இது தொடர்​பாக சென்னை வானிலை ஆய்வு மையம் வெளி​யிட்ட செய்​திக்​குறிப்​பில் கூறி​யிருப்​ப​தாவது: தமிழகம் நோக்கி மேற்கு திசை காற்​றில் வேக​மாறு​பாடு நில​வு​கிறது. இதன் காரண​மாக, இன்​றும் (ஜூலை 14), நாளை​யும் மேற்கு தொடர்ச்சி மலை மாவட்​டங்​களில் ஓரிரு இடங்​களில் லேசானது முதல் மித​மான மழை பெய்​யக்​கூடும்.

இதர தமிழகம், புதுச்​சேரி மற்​றும் காரைக்​கால் பகு​தி​களில் பொது​வாக வறண்ட வானிலை நில​வக்​கூடும். 16 முதல் 19-ம் தேதி வரை மேற்கு தொடர்ச்சி மலை மாவட்​டங்​களில் ஓரிரு இடங்​களில் லேசானது முதல் மித​மான மழை பெய்​யக்​கூடும். இதர தமிழகத்​தில் ஓரிரு இடங்​களில் லேசான மழை பெய்​யக்​கூடும்.

தமிழகத்​தில் இன்று முதல் 16-ம் தேதி வரை அதி​கபட்ச வெப்​பநிலை ஓரிரு இடங்​களில் வழக்​கத்தை விட 7 டிகிரி ஃபாரன்​ஹீட் வரை அதி​க​மாக இருக்​கக்​கூடும். சென்னை மற்​றும் புறநகர் பகு​தி​களில் இன்று வானம் ஓரளவு மேகமூட்​டத்​துடன் காணப்​படும். தமிழக கடலோர பகு​தி​களில் இன்று முதல் 17-ம் தேதி வரை மீனவர்​களுக்​கான எச்​சரிக்கை ஏதும் இல்​லை. நேற்று காலை 8.30 மணி​யுடன் நிறைவடைந்த 24 மணி நேரத்​தில் குறிப்​பிடும்​படி​யாக எங்​கும் மழை பதி​வாக​வில்​லை. இவ்​வாறு செய்​திக்​குறிப்​பில்​ கூறப்​பட்​டுள்​ளது.