ஜி.எஸ்.எல்.வி.-எஃப்18 ராக்கெட் மூலம் என்.வி.எஸ்-03 விண்கலம் விண்ணில் பாய்ந்தது!

இந்தியாவின் சொந்த ஜிபிஎஸ் (GPS) அமைப்பான NavIC-ஐ வலுப்படுத்தவும், நாட்டின் தற்காப்பு மற்றும் தொழில்நுட்ப சுயசார்பை உறுதி செய்யவும் ISRO ஒரு புதிய சாதனையைப் படைத்துள்ளது.

ஸ்ரீஹரிகோட்டாவில் உள்ள விண்வெளி மையத்திலிருந்து, GSLV-F18 ராக்கெட் மூலம் NVS-03 செயற்கைக்கோள் வெற்றிகரமாக விண்ணில் செலுத்தப்பட்டது. இந்த இரண்டாம் தலைமுறை செயற்கைக்கோள், நாட்டின் “ஒரே நாடு, ஒரே நேரம்” (One Nation, One Time) என்ற இலக்கை நோக்கிய மிக முக்கியமான அடியாகும்.

வெளிநாட்டு தொழில்நுட்பங்களைச் சார்ந்திருப்பதை குறைக்க, இதில் உள்நாட்டிலேயே தயாரிக்கப்பட்ட அணுக்கடிகாரம் மற்றும் வாங்கிய கடிகாரங்கள் பயன்படுத்தப்பட்டுள்ளன. இது துல்லியமான நேரத்தை கணக்கிட உதவும்.

L5 மற்றும் S பேண்டுகளுடன், செல்போன்கள் மற்றும் பொதுமக்கள் எளிதில் பயன்படுத்தும் L1 சிக்னல் சேவையும் இதில் சேர்க்கப்பட்டுள்ளது. இது போக்குவரத்து, விமான போக்குவரத்து மற்றும் தொலைத்தொடர்புக்கு பெரிதும் உதவும்.

1999 காலகட்டத்தில் வெளிநாட்டு ஜிபிஎஸ் தகவல்கள் கிடைக்காமல் போனதால் ஏற்பட்ட பின்னடைவைத் தொடர்ந்து, இந்தியா தனது சொந்த நேவிகேஷன் அமைப்பான ‘NavIC’-ஐ உருவாக்கத் தொடங்கியது குறிப்பிடத்தக்கது.

பிரதமர் நரேந்திர மோடி மற்றும் ISRO தலைவர் வி. நாராயணன் உள்ளிட்டோர் இந்த வெற்றிக்கு ISRO விஞ்ஞானிகளுக்கு தங்களது வாழ்த்துகளையும் பாராட்டுகளையும் தெரிவித்தனர்.