நிதி நெருக்கடியில் அயோத்தி மசூதி கட்டுமானம்: கட்டிட அளவு 3,500 அடியாகக் குறைத்து வடிவமைப்பில் மாற்றம்

புதுடெல்லி: உத்​தர பிரதேச மாநிலம் அயோத்தியில் ராமர் கோயில்-பாபர் மசூதி வழக்​கில் முஸ்​லிம்​களுக்கு 5 ஏக்​கர் நிலம் புதிய மசூதி கட்ட அளிக்​கப்​பட்​டது. இந்த நிலை​யில், நிதி நெருக்கடி காரண​மாக மசூதி கட்​டு​மான அளவை 3,500 அடி​யாக குறைத்ததுடன் அதன் வடி​விலும் மாற்​றம் செய்​யப்​பட உள்​ளது.

ராமர் கோயில்-பாபர் மசூதி வழக்​கில் கடந்த நவம்​பர் 19, 2019- ல் தீர்ப்பு அளிக்​கப்​பட்​டது. இந்த வழக்​கில் முஸ்​லிம் தரப்​பிற்கு பாபர் மசூதிக்கு பதிலாக அயோத்​தி​யின் அரு​கிலுள்ள தனிபூரில் 5 ஏக்​கர் நிலம் மசூதி கட்ட ஒதுக்​கப்​பட்​டது. இதில், மசூதி​யுடன் நூல​கம், மருத்​து​வ​மனை, தங்​கும் விடுதி கட்ட திட்​ட​மிடப்​பட்​டது. இதற்​கான பணி​யில் இறங்​கிய, இந்தோ-இஸ்லாமிக் கல்ச்​சுரல் பவுண்டேஷன் அறக்​கட்​டளைக்கு போதிய நிதி கிடைக்​க​வில்லை. இத​னால், மசூதி​யின் அளவை 3,500 அடி​யாகக் குறைத்து அதன் வடிவ​மைப்​பிலும் மாற்​றம் செய்​யப்​பட உள்​ளது.

தனிபூரின் மசூதிக்​கான நிலப் பயன்​பாட்​டுச் சான்​றிதழ் உபி அரசிடம் விண்​ணப்​பிக்​கப்​பட்டு இன்​னும் கிடைக்​க​வில்லை. இந்த சான்​றிதழ் கிடைத்​ததும், மசூதிக்​கான வரைபடம் அயோத்தி மேம்பாட்டு ஆணை​யத்​திடம் ஒப்​புதலுக்​காகச் சமர்ப்​பிக்​கப்​படும். இந்தோ-இஸ்லாமிக் கல்ச்​சுரல் பவுண்​டேஷன் அறக்​கட்​டளை் தலை​வர் ஜுஃபர் அகமது ஃபரூக்கி கூறுகை​யில்,’நிதி பற்​றாக்​குறை​யால் மசூதி​யின் அளவும் வடிவ​மைப்​பும் மாற்றப்பட்டுள்ளன. இ்த்​திட்​டத்​திற்கு ரூ.300 கோடி செல​வாகும் என்று மதிப்​பிடப்​பட்​டிருந்​தது.

ஆனால் திருத்​தப்​பட்ட வடிவ​மைப்​பின்​படி கட்​டு​மானச் செலவு சுமார் ரூ.5 கோடி​யாகக் குறையும். தற்​போது அறக்​கட்​டளை​யிடம் ரூ.15 லட்​சம் மட்​டுமே உள்​ளது. மீதமுள்ள நிதி​யைத் திரட்டுவதற்காக நிதி திரட்​டும் பிரச்​சா​ரம் தொடங்​கப்​படும். மசூதி​யின் உட்​புறப் பரப்பு 3,500 சதுர அடி​யாகவும், ஒட்​டுமொத்த வளாகம் 15,000 சதுர அடி​யாகவும் இருக்​கும்’ எனத் தெரி​வித்​தார்.