பிறப்பின் அடிப்படையில் குடியுரிமை.. சீனாவுக்கு வாழ்த்து சொன்ன ட்ரம்ப்.. கிண்டல் பதிவால் சர்ச்சை!

அமெரிக்காவில் பிறக்கும் குழந்தைகளுக்கு நேரடியாகவே குடியுரிமை வழங்கப்படும் என்ற கொள்கையை ட்ரம்ப் ரத்து செய்தது செல்லாது என உச்சநீதிமன்றம் தீர்ப்பளித்துள்ள நிலையில், சீனாவிற்கு வாழ்த்து தெரிவித்து ட்ரம்ப் வெளியிட்டுள்ள பதிவு பேசுபொருளாகியிருக்கிறது.

அமெரிக்காவில் பிறக்கும் பெரும்பாலான குழந்தைகளுக்கு, அவர்களின் பெற்றோர் எந்த நாட்டைச் சேர்ந்தவர்களாக இருந்தாலும், அமெரிக்கக் குடியுரிமை வழங்கப்படுகிறது. இதுவேபிறப்புரிமை குடியுரிமை என அழைக்கப்படுகிறது. இது அமெரிக்க அரசியலமைப்பின் 14-வது திருத்தச் சட்டத்தின் அடிப்படையில் நடைமுறையில் உள்ளது. இந்த நடைமுறையை மாற்ற வேண்டும் என்பது டிரம்பின் நீண்டகால நிலைப்பாடு. சட்டவிரோதமாக அல்லது தற்காலிக விசாவில் அமெரிக்காவில் வசிக்கும் பெற்றோருக்குப் பிறக்கும் குழந்தைகளுக்கு தானாக குடியுரிமை வழங்கக் கூடாது என்று அவர் நிர்வாக உத்தரவு பிறப்பித்திருந்தார்.

ட்ரம்ப்x page

ஆனால், அந்த முயற்சிக்கு நீதிமன்றத்தில் வழக்கு தொடுக்கப்பட்ட நிலையில், அமெரிக்க உச்ச நீதிமன்றம், பிறப்புரிமை குடியுரிமை தொடர்பான சட்டப் பாதுகாப்பை உடனடியாக நீக்க முடியாது என்று தீர்ப்பளித்துள்ளது. இதன்மூலம், அமெரிக்க அரசியலமைப்பின் 14-வது சட்டத்திருத்தம் தொடர்கிறது. இதையடுத்து, இந்தத் தீர்ப்பு டிரம்பின் குடியேற்றக் கொள்கைக்கு பின்னடைவாகக் கருதப்படுகிறது