ராமநாதபுரம் மாவட்டம் கீழக்கரை வள்ளல் சீதக்காதி சாலையில் அமைந்துள்ள சதக்கத்துன் ஜாரியா நடுநிலைப்பள்ளியின் நூற்றாண்டு விழா மற்றும் பரிசளிப்பு விழா பள்ளியின் விளையாட்டு மைதானத்தில் சிறப்பாக நடைபெற்றது.
இவ்விழாவிற்கு பள்ளியின் தலைவர் ஷேக் உசைன் தலைமை வகித்தார். பள்ளியின் தாளாளர் பிலால் அப்துல்லா மற்றும் பொருளாளர் ஜமால் அஸ்ரப் முன்னிலை வகித்தனர். ஆசிரியர் இந்திரா காந்தி வரவேற்புரை வழங்கினார்.
சிறப்பு விருந்தினர்களாக வருவாய் கோட்டாட்சியர் ஹபீப் ரஹ்மான், முதன்மை கல்வி அலுவலர் ரெஜினி, மாவட்ட கல்வி அலுவலர் (தொடக்கக் கல்வி) இரவீந்திரன் மற்றும் முஹம்மது சதக் பொறியியல் கல்லூரி பேராசிரியர் அகமது உசேன் ஆசிப் ஆகியோர் கலந்து கொண்டு மாணவர்களை பாராட்டி பேசினர்.
மேலும் முஹம்மது சதக் டிரஸ்ட் சார்ந்த தொழிலதிபர்கள் ஹாமிது இப்ராஹிம் மற்றும் சதக் அப்துல் காதர் கௌரவ அழைப்பாளர்களாக பங்கேற்றனர்.
பள்ளியின் தலைமை ஆசிரியர் (பொறுப்பு) அருட் செல்வி ஆண்டறிக்கையை வாசித்தார். தொடர்ந்து கல்வி, விளையாட்டு மற்றும் கலாச்சாரப் போட்டிகளில் சிறந்து விளங்கிய மாணவர்களுக்கு பரிசுகள் வழங்கப்பட்டன.
இறுதியாக நிர்வாக அதிகாரி சையது இப்ராஹிம் நன்றி கூறினார்.
நூற்றாண்டை எட்டிய இப்பள்ளி கல்வி மற்றும் ஒழுக்கநெறி வளர்ச்சியில் சிறப்பான பங்காற்றி வருவது விழாவில் குறிப்பிடப்பட்டது.
More Stories
முதல்வர் விஜய் பிறந்தநாள், அமைச்சர் ம விஜய்பாலாஜி நலத்திட்ட உதவிகள் வழங்கினார்!
தமிழ்நாடு முதலமைச்சர் சி ஜோசப் விஜய் அவர்களின் பிறந்தநாளை முன்னிட்டு தமிழக வெற்றிக் கழகத்தின் சார்பில் ஈரோடு மரப்பாலம் பகுதி கழக செயலாளர் சாதிக் பாட்ஷா ஏற்பாட்டில் 500க்கும் மேற்பட்டோருக்கு நலத்திட்ட உதவிகள்